Ombudsmanden i Grønland

Oliamik aniasoorsinnaanermut upalungaarsimanissaq pillugu pilersaarutinik oliamillu ujarlerneq pillugu allagaatinik paasitinneqarumaneq.

Aatsitassanut Ikummatissanullu Pisortaqarfiup oliamik aniasoorsinnaanermut upalungaarsimanissaq pillugu pilersaarutinik, akuersissummik piginnittumit qularnaveeqqusiineq pillugu allagaatinik misileraallunilu qillerinermit misissoqqissaakkat inernerinik paasitinneqarumalluni qinnuteqaatinik itigartitsinera Greenpeace Nordenip naammagittaalliuutaa Ombudsmandip tiguaa.

Suliamik pensionisianut tunngasumik suliarinninneq akuerineqarsinnaanngitsoq isorisarialerujussuarlu

Pensionisialik isumaqarpoq kommunip 2009-mi utoqqalinermi pensionisiassanik naatsorsuinera kukkuneqartoq, kommunimullu allakkamini november 2008-meersuni malittarisassat qanoq nassuiarneqartariaqarnerannik isummani saqqummiullugu. Kommunip pensionisialik akinngilaa tamatumalu kingornatigut pensionisiallip pensionisiassat naatsorsorneqarnerat Isumaginninnermi Naammagittaalliuuteqartarfimmut naammagittaalliuutigaa.

Qinnuteqaammik oqartussaasumut eqqortumut ingerlatitseqqilluni nassiussinissamut pisussaaffik. Naammagittaalliuuteqarfissatut oqartussaasup sulimik suliarinninnerani peqataasinnaassuseqannginneq pillugu apeqqut

Aallarteqqinnissamut tapiissutinik itigartinneqarneq pillugu naammagittaalliuut

Kalaallit Nunaanni Ilagiit Danmarkimi sulinerat

Piffissaq sulianik suliarinninnermut atorneqartoq naammaginanngitsoq, ilaatigut Atuisartunut Pisisartunullu Maalaaruteqartarfittut Ataatsimiititaliap naammattunik amerlassuseqartunik ataatsimiittannginnerata kingunerisaanik

Oqartussaasup suliami illua'tungiusumut Inatsisartut Ombudsmandiannut naammagittaalliorsimasumut nalunaarutai Inatsisartut Ombudsmandiat tigusisussanngorlugu ingerlatinneqarsinnaanngillat, suliamili illua'tungiusumut pineqartumut toqqaannartumik ingerlatinneqassallutik

Suliami aaljangiiffigineqartumi suliamik suliarinninnissamut pisinnaatitaanermik eqqartuussissuserisumut inatsisinik unioqqutitsilluni isumagisassanngortitstineq

"Tûgdlik"-up ulloq unnuarlu paaqqinniffittut akuersissutaataanik tunuartitsineq pillugu Suliffeqarfiup Imminut Pigisup Atuarfittut Umiarsuup M/S "Tûgdlik"-up Ilaqutariinnermut, Kultureqarnermut, Ilaageeqarnermut Naligiissitaanermullu Naalakkersuisoqarfimmut naammagittaalliuutaa eqqartuussissuserisup suliarisinnaanngilaa.

Kommunimut akileraarutitigut utertoorutisiassat akitsuutinut akiitsutigut Nunap Karsiata pisassarissanut matussutissatut ilanngaavigineqarsinnaanngillat. Aamma amigartumik tunngavilersuineq atsiorsimannginnerlu pillugit apeqqutit

Namminersorlutik Oqartussat akitsuutinut akiitsunik innuttaasup kommuninut akileraarutitiogut piasassarisaanit ilanngaassinikkut akiliisitsiniarsinnaanngillat. Ilanngaassainissamik aalajangiinerit tunngavilersugaalutillu atsiorneqarsimassapput.

Aluminiumik aatsitsiviliorniarnermut aqutsinikkut ataqatigiissaarisut pillugit allaagaatinik paasitinneqarnissamik itigartitsineq
Aluminiumik aatsitsiviliorniarnermi aqutsinikkut ataqatigiissaarisut immikkut oqartussaasunngillat

Sulisumik ataatsimut sipaarniuteqarnerup nassatarisaanik soraarsitsinermut atatillugu suliami illua'tungiusup isumaanik tusarniaasimannginneq amigartumillu tunngavilersuismianeq
(j.nr. 2010-323-0022)

Kommuunip innarluutilinnut tapersersortitut ikiortai pillugit naammagittaalliuut
(j.nr. 2009-146-0008)

Meeqqanik inuusuttunillu ikiorsiisarneq pillugu Inatsisartut peqqussutaat
tunngavigalugu ikiorserneqarnissamik qinnuteqaatip amigartumik
suliarineqarnera
(j.nr. 2009-106-0001)

Kommuni ineqarnermut tapiissutinik pissutissaqanngitsumik
tunniunneqarsimasutut isigisaminik akiliisitsiniarnermik A/S
Inissiaatileqatigiiffik INI-mut isumagisassanngortitsinermigut
kukkussuteqarpoq.
(J. nr. 2008-119-0001)

Peqqinnissaqarfimmi sulisunik aqutsineq pillugu malittarisassat
erseqqarluttut aamma napparsimmaviup suliamik sulisumut tunngasumik
suliarinninnerani kukkunerit arlallit
(J. nr. 2008-310-0001)

Innuttaasut imerajuttunik katsorsaavimmi Qaqiffim-miinnerinut kommunip
aningaasartuutaasa utertillugit akilerneqarnissaannik piumasaqaat
(j.nr. 2008-901-0002)

Angummut qaratsamigut ajoqusersimasumut iluaqusersuutit pillugit suliap suliarineqarnera Isumaginninnermi Naammagittaalliuuteqartarfiup nukingiussimasariaqaraluarpaa. Ilaqutariinnermut Pisortaqarfik tamatumunnga peqatigitillugu suliamik suliarinninnermini kukkussuteqarsimavoq.
(J.nr. 2009-146-0004)

Tarnikkut napparsimasunik katsorsaanermi pinngitsaaliinermik atuinermik inatsiseqartitsinikkut malittarisassat
(J. nr. 2009-905-0009)

Naalasseriitsuliorneq pissutigalugu mianersoqqussutit pillugit suliap amigartumik paasissutissartalersorneqarnera

Naalasseriitsuliorneq pillugu pissutigalugu mianersoqqussummik tunniussinermut atatillugu suliamik suliarinninnermi kukkunerit annertuut Aningaasaqarnermut Naalakkersuisoqarfiup akisussaaffigai.

Kommunip cafémik ingerlatsinermi peqataanera

Tusarniaasussaatitaaneq aamma oqartussaasup nammineertup qanoq nassuiarneqarnissaa pillugit apeqqutit

Soqutigisaqaqatigiiffik tusarniaavigineqartussaavoq nipangiussisimaqqullugu peqquneqarsinnaanani.

Boligstøtsimit taarsigassarsianik allanngortitsiumalluni qinnuteqaatip itigartinneqarnissaanik aalajangiineq aamma "ilumoorluinnarluni" uppernarsaanermik atuineq

Boligstøtimit taarsigassarsianik allanngortitsinissamik itigartitsissuteqarneq taarsigassarsisup taarsigassarsianik naafferartumik akilersuisinnaannginnera pillugu ataatsimut ilimaginninnerit qaammammullu akilersuutinik aalajangersaasarneq pillugu malittarisassaq saneqqunneqarsinnaanngitsoq tunngavigalugit pisimasoq tamanna pillugi malittarisassanik unioqqutitsineruvoq.

Ilinniagaqarnermut atatillugu kommunitut najugarivitaata avataani najugaqarallarnerani meeqqanik paaqqinniffimmiittuuteqarnermut akiliutinut tapiissuteqartarneq

Ilinniagaqartup ilinniagaqarnermi nalaani kommunitut najugarivitami avataani najugaqarallernerani meeqqanik paaqqinniffimmiittuuteqarnermut akiliutinut tapiissuteqarnissaq kommunip pisussaaffigaa?

Namminersorlutik Oqartussat suliffeqarfiutaanni nammineertitani pisortat oqaaseqaateqarsinnaatitaanerat pillugu Naalakkersuisut naalakkiutaat

Namminersorlutik Oqartussat suliffeqarfiutaat nammineertitat sinnerlugit kikkut oqaaseqaateqarsinnaatitaappat?

Kommuneqarfik Sermersuumi pensionisialinnut tapit aaqqiissuteqarfigineqarnerat

Nuup Kommuniusimasumi pensionisialinnut inummut tapinik aamma aningaasanik tigoriaannarnik naatsorsuinermi periaatsimik allanngortitsineq inatsisinik unioqqutitsinerunngilaq.

Atusisartunut Pisisartunullu Siunnersuisoqatigiit siulittaasuata aningaasarsiaqartitaaneranut inatsisikkut tunngavigisaq aamma aningaasarsiat naatsorsornissaannut pisinnaatitaaneq

Atuisartunut Pisisartunullu Siunnersuisoqatigiit siulittaasuat ataatsimiinnernut piareersarnermut ullunullu angalaffiusunut aningaasarsiaqartinneqassaaq, pifissamik atuinerup pineqartup naliliiffigineqarneratigut. Atuisartunut Pisisartunullu Siunnersuisoqatigiit allattoqarfiata qitiusumik allaffeqarfissuarmit avissaartinneqarsimannginnera inatsisinik unioqqutitsineruvoq.

Aatsitassat pillugit inatsimmik malinneqqusilluni peqqusissuteqarneq pillugu naammagittaalliut

Aatsitassanut Ikummatissanullu Pisortaqarfik A-mut peqqusissuteqarnissamut inatsisikkut pisariaqarneratut tunngavissaqanngilaq, naak pisortaqarfik naliliigaluartoq aatsitassat pillugit inatsit A-p unioqqutikkaa.

Ineqarnermut akiliutinut akiitsut naafferartumik akilersorneqarnissaannik inatsisikkut tunngavigisami amigaatit

Ineqarnermut akiliutinut akiitsut naafferartumik akilersoneqartarneret pillugu malittarisassat nutaat oqaasertaliussanik erseqqarluttunik maqarput, isumaginninnerlu pillugu inatsiseqartitsinermi malittarisassanik unioqqutitsisuullutik.

Ilinniagaqartut Nuummiikkallartut paaqqinniffimmi Namminersorlutik Oqartussanit pigineqartumi Tikiusaami meeqqanik paarsinermut qaammammut 5.000 kr.-nik akiliuteqartassasut piumasaqaatigissallugu Namminersornerullutik Oqartussat (massakkut Namminersorlutik Oqartussat) tunngavissaqanngillat

Naalakkersuisut isumaginninnermut tunngasunik nakkutilliinermi oqartussaasutut pisussaaffii
Naalakkersuisut kommunini isumaginninnermik ingerlatsivinnik nakkutilliisussaatitaanerat inatsisitigut erseqqinngitsumik allaaserineqarsimavoq, qanorlu paasineqarnissaa akisussaaffigalugit suliassaqarfiit iluanni qitiusumik aqutsisoqarfiup nakkutilliisussaatitaanera pillugu inatsiseqartitsinikkut tunngaviit allanneqarsimanngitsut aallaavigalugit nassuiarneqartariaqarluni.
Taamaattumik nakkutilliisussaatitaanermi ataatsimut apeqqutit aamma suliat ataasiakkaanut tunngasut pineqartunut ilaatinneqarput, kommuninillu misissuiffiginnikkiartorluni angalanernut killissalerneqarsinnaanani.
Suliani meeqqanut inuusuttunullu tunngasuni pinngitsaaliilluni inissiinerit/peersitsinerit pillugit kommunit nalunaarutaat Naalakkersui-sut nakkutilliinermik suliaqarnerminni ilannguttariaqarpaat.

Kalaallit Nunaanni Tusagassiuutit pillugit Aalajangiisartunik toqqaaneq
Ombudsmandip Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik 24. marts 2009-mi nalunaarfigaa Tusagassiuutit pillugit Aalajangiisartut tusagassiuisarnermi akisussaassuseqarneq pillugu Inatsisartut inatsisaanni § 41 tunngavigalugu toqqarneqaqqammersut eqqarsaatigalugit pisinnaatitaasutut imminut isigaluni.

A/S Inissiaatileqatigiiffik INI-p sulisumi malittarisassanik atuuttunik malinninnerannik nakkutilliinera A/S
Inissiaatileqatigiiffik INI-mi sulisup nutsernerup kingornatigut misissuinermik nalunaarusiaq attartortumit atsiorneqareersoq allanngortissimavaa. Ingerlatseqatigiiffik atorfeqartitami sulisillutik tunngavissaqanngitsumik iliuusaannut qanoq iliorluni akuliuttassanersoq Inissiaatileqatigiiffiup suliat ataasiakkaarlugit naliliiffigisassavaa

Iliuusissanut pilersaarusiap suliarineqarsimannginnera aamma meeqqap efterskolerneranut aningaasartuutit kimit akilerneqarnissaannik apeqqut
Kommunip iliuusissanut pilersaarusiamik suliarinnissimannginnera isorisariaqartorujussuuvoq. Meeqqap angerlarsimaffiup avataanut inissinneqarsimasup ilinniartitaaneranut aningaasartuutit akilissallugit kommunip pisussaaffigaa, kommunillu angajoqqaat akiliutaasa akilerneqarnissaat malittarisassat Naalakkersuisunit aalajangersarneqarsimasut kisiisa tunngavigalugit piumasaqaatigisinnaavaa.

Sulisup atorfinitsinneqarnermini allakkat allanngortinneqarnissaat pillugu qinnutigisaanik suliarinninnermi piffissaq kommunip atugaa
Sulisup atorfinitsinneqarnermini allakkat allanngortinneqarnissaannik taakkununngalu ilanngullugu akissarsiami qaffanneqarnissaannik qinnutigisaata suliap aallartinneranit ukiut pingasut sinnerlugit qaangiuttut kommunimit suli inaarlugu suliarineqarsimannginneranut atatillugu piffissap suliamik suliarinninnermut atorneqartup sivisussusiata isornartorsiutigineqarnera

Piffissaq Isumaginninnermi Naammagittaalliuuteqartarfiup suliamik suliarinninnerminut atugaa
Piffissaq Isumaginninnermi Naammagittaalliuuteqartarfiup sulianik suliarinninnerminut atortagaa akuerineqarsinnaanngitsumik sivisuallaarpoq, suliallu pilertornerusumik suliarineqartalernissaat anguniarlugu erseqqissunik suliniuteqartoqassaaq

Ombudsmandimit paasissutissat nutaat pillugit tusagassiuutitigut nalunaarut
Inatsisartut Inatsisit Atortinneqarnerannut Ataatsimiititaliaat paaseqatigalugu aalajangerpunga oqaaseqaatima ilaasa ukiumoortumik nalunaarutinnut ilanngunneqartussat eqikkarneqarneri nittartakkami (http://www.ombudsman.gl-imi) NUTAARSIASSAT ataanni ilannguttalerniarlugit.